Busnesau

Cychwyn arni o’r newydd / Entrepreneuriaid

Mae sefydlu busnes newydd yn medru bod yn anodd, ac yn aml mae’n golygu llawer o risg bersonol.  Mae llawer o bobl yn disgwyl, pan yn sefydlu busnes, mai’r unig ofid mawr yw p’un ai y bydd yn gwneud elw ai peidio.  Tra bod gwneud elw’n bwysig, wrth gwrs, mae yna nifer fawr o ystyriaethau eraill i’w hymdrin.

Mae’n bwysig eich bod yn ymchwilio yn drylwyr i botensial eich busnes, gan gwmpasu pob agwedd o’r grefft yr ydych yn ymuno â hi.  Mae’r rhain yn cynnwys:

• Y strwythur busnes mwyaf addas – unig fasnachwr, partneriaeth, cwmni cyfyngedig (gweler isod)
• Cyllid a Thollau EM a gofynion arall y llywodraeth
• Gofynion Cyfreithiol
• Nodau Masnach ac Enwau Busnes
• Gofynion Cyfraith Cyflogaeth a Busnes
• Cyllid Cychwynnol a Thymor Hir, yn cynnwys rhagolygon llif arian a chynllunio / strategaeth busnes
• Cadw Cyfrifon, TAW a materion yn ymwneud â’r gyflogres
• Pa systemau cyfrifiadurol a hyfforddiant sydd ar gael?
• Oes unrhyw fusnesau tebyg gerllaw?
• Marchnata

Tra nad yw’r rhestr hon yn hollgynhwysol, mae’n gwneud y pwynt fod sefydlu busnes yn galw am gyngor arbenigol ac mae L H Phillips a’r Cwmni yma i’ch helpu ym mhob ffordd y medrwn.

Unig Fasnachwyr

Gallwn ysgwyddo eich baich weinyddol trwy hysbysu Cyllid a Thollau EM eich bod yn hunangyflogedig, trefnu i chi dalu eich Yswiriant Cenedlaethol Dosbarth 2 ac asesu’r posibilrwydd o’ch cofrestru ar gyfer TAW.  Byddwn yn eich diweddaru am daliadau ar Dreth Incwm ac Yswiriant Cenedlaethol Dosbarth 4, ac yn bwysicaf oll byddwn yn ceisio dod o hyd i ffyrdd o leihau eich rhwymedigaethau o ran treth.

Partneriaethau

Yn debyg iawn i unig fasnachwr, mae partneriaeth yn gweithio lle mae gennych 2 neu fwy o unigolion hunangyflogedig sy’n gweithio gyda’i gilydd.  Gallwn eich cynghori ar gytundebau partneriaeth, cynnal arolwg o’r busnes a nodi sut ddylid rhannu’r elw a chwilio, unwaith eto, am ffyrdd o leihau eich rhwymedigaethau o ran treth.  Mae eich rhwymedigaethau treth yn seiliedig ar eich elw ar gyfer y flwyddyn ac nid ar faint o arian yr ydych yn ei dynnu allan fel tyniadau.

Cwmnïau Cyfyngedig

Corff corfforaethol ydyw sydd wedi dod yn boblogaidd yn ddiweddar oherwydd y lefelau is ymddangosiadol o drethiant.  Yn hytrach na gwneud tyniadau, gallwch dalu eich hun trwy gymysgedd o gyflog a buddrannau.  Gall cynllunio ar gyfer treth yn y maes hwn ostwng y rhwymedigaethau treth cyffredinol yn sylweddol.

Mae’r cwmnïau’n eiddo i gyfranddalwyr, ond cânt eu rhedeg gan y cyfarwyddwyr (yr un bobl weithiau, o bosib).  Mae’n rhaid i’r cyfarwyddwyr baratoi cyfrifon ar ffurf statudol, sy’n rhaid eu cyflwyno i Dŷ’r Cwmnïau a Chyllid a Thollau EM.  Mae gan L H Phillips a’r Cwmni y dealltwriaeth, y profiad a’r systemau i ysgafnhau’r faich hon.

Elusennau

Gallwn eich helpu i sefydlu statws Elusen a’ch cynghori ar gadw cofnodion mewn trefn.  Gellir paratoi adroddiadau archwiliedig ac annibynnol ar draws amrywiaeth o Elusennau a Chymdeithasau Tai.  Rydym yn gwneud hyn oddi fewn i gyllideb a graddfa amser a gytunir gyda chi.  Hefyd, gallwn gyflawni eich gofynion ffeilio statudol gyda Thŷ’r Cwmnïau a’r Comisiwn Elusennau.

• Hafan
• Cyfrifyddiaeth ac Archwiliadau
• Busnesau
  • Cychwyn arni o'r newydd/ Entrepreneuriaid
  • Unig Fasnachwyr
  • Partneriaethau
  • Cwmnïau Cyfyngedig
  • Elusennau
• Datrysiadau Treth
• Gwasanaethau Eraill
• Ein Cleientiaid
• Partneriaid
• Map a Chyfarwyddiadau
• Dolenni